PSE-EE PSOE Socialistas Vascos

Lasarte-Oriako Udalak eta ATERPEA Merkatari, Ostalari eta Zerbitzuen Elkarteak tokiko merkataritza sustatzeko konpromiso bateratua berritu dute gaur goizean, 2025 Lankidetza Hitzarmena sinatuz. Agustín Valdivia alkateak eta Mabel Pedreira ATERPEAko presidenteak sinatu dute akordioa, eta bertan izan dira Sozioekonomia zinegotzia, Nuria Fernández, eta elkarteko zuzendaritza batzordeko ordezkaritza bat ere.

Hitzarmen horri esker, Udalak 25.000 euroko diru-laguntza zuzena emango du, Hirigune deialdiaren bidez ATERPEAk lortutako finantzaketari eta bere baliabide propioei gehituta. Guztira, 44.891 euroko aurrekontua aurreikusi da kanpaina guztietarako.

Hitzarmena 2025eko abenduaren 31ra arte egongo da indarrean, eta merkataritza dinamizatzeko hamar ekintza espezifiko barne hartzen ditu: Udaberriko Festa, Eskuratu 1.000 € kanpaina, Santa Ana Pintxoa, Stock Azoka, Udazkeneko Festa, Pintxoaren IX. Ibilbidea, Gabonetako Kanpaina, Parking Kanpaina, Publizitate eta Sustapen ekintzak eta Bazkideak Erakartzeko Kanpaina bat.

Alkateak tokiko merkataritza-sarearen garrantzia azpimarratu nahi izan du: “Hurbileko merkataritza eta ostalaritza dira gure hiri-bizitzaren bihotza; hitzarmen honekin enplegua eta gizarte-kohesioa sortzen duen rola indartzen dugu”.

Nuria Fernández Sozioekonomia zinegotziak azpimarratu zuen akordioari esker urte osoan programazio egonkorra eskainiko dela, “kaleetan animazioa eta kontsumorako hobariak uztartuz, herri barruko eta kanpoko bezeroak erakartzeko”.

ATERPEAko presidenteak, bere aldetik, erakundeen babesa eskertu du eta esan du “inbertitutako euro bakoitza salmenta, ikusgarritasun eta merkataritza sare indartsuago batean” itzultzen dela.

Hemendik aurrera, Sozioekonomia Sailak eta ATERPEAk koordinatuko dute kanpainen egutegia eta horren hedapena. Udalaren laguntzaren %60 hitzarmena sinatutakoan emango da, eta gainerako %40a gastuak justifikatu ondoren, akordioaren klausuletan hitzartutakoaren arabera.

Argazkia eta informazioa: Lasarte-Oriako Udala