partekatu
• PARTE-HARTZEKO PROZESUAK
Lasarte-Oriako Udalak parte-hartze prozesu bat jarri du abian Zabaleta-Berri eta Zatarain auzoetako espazio publikoetan estalkiak jartzeko
Bi bilera egingo dituzte auzoko bizilagunekin, apirilaren 3an eta 9an.
Lasarte-Oriako Udalak parte-hartze prozesu berri bat jarri du martxan Zabaleta-Berri eta Zatarain auzoetako bizilagunentzat, auzo horietako espazio publikoetan jarriko diren estalkien ezaugarriak elkarrekin adosteko helburuarekin.
Ekimen honek herritarren iritzi eta lehentasunak jaso nahi ditu hainbat alderdi zehatzetan: estalkien diseinua, kokapen zehatza eta erabilera posibleak. Aurreikusitako estalkiek 300 eta 400 metro koadro arteko azalera izango dute gutxi gorabehera.
Herritarren parte-hartzea errazteko, hainbat bide jarriko dira martxan:
- Aurrez aurreko informazio-bilerak:
- Zabaleta-Berri: apirilak 3, 18:00etan, Zabaletako frontoian.
- Zatarain: apirilak 9, 18:30ean, Kultur Etxeko hitzaldi aretoan (3. solairuan).
- Online galdetegia, Udalaren webgunean eskuragarri. Parte hartzeko NAN zenbakia sartu beharko da, auzotarrek benetan parte hartzen dutela ziurtatzeko. Galdetegia apirilaren 16ko 15:00ak arte egongo da zabalik.
Udalaren webgunean ere ikusgai egongo dira estalkiak jartzeko aurreikusitako kokapenen planoak eta Lasarte-Orian edo inguruko herrietan jarritako estalki ereduak. Dokumentazio honek parte-hartzaileei aukera emango die dauden aukerak hobeto ulertzeko.
Prozesu honekin, Udalak herritarren partaidetzarekiko duen konpromisoa berretsi nahi du, hurbileko erabakiak modu partekatuan hartzen diren herri kolaboratiboago baten aldeko apustua eginez.
- Info gehiago klikatu hemen
Argazkia eta informazioa: Lasarte-Oriako Udala
